Protopresbyter Giorgi Zviadadze Rector of Tbilisi Theological Academy and Seminary

1939752_662006993847109_2962247624584372541_n (1)დაიბადა 1963 წლის 22 ივნისს, წყალტუბოში. მოინათლა ოთხი წლის ასაკში.
1980 წელს დაამთავრა ქ. ხაშურის #4 საშუალო სკოლა.
1992 წელს წარჩინებით დაასრულა ჯერ თბილისის სასულიერო სემინარია, ხოლო 1996 წელს – თბილისის სასულიერო აკადემია.
1992 წლიდან ეწევა სამეცნიერო-პედაგოგიურ მოღვაწეობას სულხან-საბა ორბელიანის სახელობის თბილისის სახელმწიფო პედაგოგიურ ინსტიტუტში, პედაგოგთა კვალიფიკაციის ამაღლებისა და გადამზადების რესპუბლიკურ ინსტიტუტში, ეროვნულ უნივერსიტეტში.
1996 წლის 6 მაისს ქვაშვეთის წმინდა გიორგის სახელობის ტაძარში სრულიად საქართველოს კათალიკოს-პატრიარქის, უწმინდესისა და უნეტარესის ილია II-ის მიერ ხელდასხმულ იქნა დიაკვნად.
1996 წლის 1 ივნისს დიაკონი გიორგი ზვიადაძე დაინიშნა თბილისის სასულიერო სემინარიის დეკანად.
1996 წლის 18 აგვისტოს სიონის საკათედრო ტაძარში სრულიად საქართველოს კათალიკოს-პატრიარქის, უწმინდესისა და უნეტარესის ილია II-ის მიერ ხელდასხმულ იქნა მღვდლად და დაინიშნა გლდანის ლომისის წმინდა გიორგის სახელობის ტაძრის მოძღვრად.
1997 წელს დაინიშნა თბილისის სასულიერო აკადემიის საღვთისმეტყველო ფაკულტეტის დეკანად.
1997 წლის 1 ივნისს, სრულიად საქართველოს კათალიკოს-პატრიარქის, უწმინდესისა და უნეტარესის ილია II-ის ბრძანებით, დაინიშნა თბილისის სასულიერო აკადემიისა და სემინარიის პრორექტორად.
1997 წლის 14 ოქტომბერს სრულიად საქართველოს კათალიკოს-პატრიარქის, უწმინდესისა და უნეტარესის ილია II-ის მიერ აღყვანილ იქნა დეკანოზის ხარისხში და დაჯილდოვდა ოქროს ჯვრით.
1997 წლის 14 თებერვალს, სრულიად საქართველოს კათალიკოს-პატრიარქის, უწმინდესისა და უნეტარესის ილია II-ის ლოცვა-კურთხევით, დაინიშნა საქართველოს მეცნიერებათა აკადემიასთან დაფუძნებული მეცნიერების ისტორიის შემსწავლელი საზოგადოების საღვთისმეტყველო განყოფილების თავმჯდომარედ.
1997 წლიდან არის საპატრიარქოში შექმნილი საღვთისმეტყველო კომისიის წევრი.
1998 წელს დაასრულა საქართველოს მეცნიერებათა აკადემიის შოთა რუსთაველის სახელობის ლიტერატურის ინსტიტუტის ასპირანტურა ძველი ქართული ლიტერატურის სპეციალობით.
1998 წელს, სრულიად საქართველოს კათალიკოს-პატრიარქის, უწმინდესისა და უნეტარესის ილია II-ის ამერიკის შეერთებულ შტატებში ვიზიტის დროს, ანტიოქიის მართლმადიდებელი ეკლესიის წარმომადგენლობამ, სრულიად საქართველოს კათოლიკოს-პატრიარქის ლოცვა-კურთხევით, დეკანოზი გიორგი ზვიადაძე დააჯილდოვა გამშვენებული ჯვრის ტარების უფლებით.
1998-2000 წლებში სრულიად საქართველოს კათალიკოს-პატრიარქის, უწმინდესისა და უნეტარესის ილია II -ის ლოცვა-კურთხევით, იყო საქართველოს საპატრიარქოს წარმომადგენელი განათლების სამინისტროსთან არსებულ რელიგიის ისტორიის სასწავლო-მეთოდურ საბჭოში.
1999 წლიდან დეკანოზი გიორგი ზვიადაძე არის მართლმადიდებელ ეკლესიასა და რომის კათოლიკურ ეკლესიას შორის საღვთისმეტყველო დიალოგის ერთობლივი საერთაშორისო კომისიის წევრი.
2000 წელს, სრულიად საქართველოს კათალიკოს-პატრიარქის ბრძანებით, დეკანოზი გიორგი ზვიადაძე დაინიშნა სიონის ღვთისმშობლის მიძინების საპატრიარქო ტაძრის ღვთისმსახურად.
2001-2009 წლებში დეკანოზი გიორგი ზვიადაძე საქართველოს მართლმადიდებელი ეკლესიიდან იყო მართლმადიდებელ ეკლესიასა და ანგლიკანურ ეკლესიას შორის საღვთისმეტყველო დიალოგის ერთობლივი საერთაშორისო კომისიის წევრი.
2002 წლის 1 ივნისს, წმინდა ნინოს ხსენების დღეს, სრულიად საქართველოს კათალიკოს-პატრიარქმა ილია II-მ დეკანოზი გიორგი ზვიადაძე დააჯილდოვა მიტრის ტარების უფლებით ეკლესიაში ერთგული მსახურებისათვის.
2003 წელს, სრულიად საქართველოს კათალიკოს-პატრიარქის ბრძანებით, დეკანოზი გიორგი ზვიადაძე დაინიშნა საქართველოს საპატრიარქოს საქველმოქმედო ფონდ “ლაზარეს” დირექტორად.
2003 წლის 8 თებერვალს, სრულიად საქართველოს კათალიკოს-პატრიარქის ბრძანებით, დეკანოზი გიორგი ზვიადაძე დაინიშნა პატრიარქის საერთაშორისო საქველმოქმედო ფონდის – “სულიერების, მეცნიერების, კულტურის აღორძინება და განვითარება” – აღმასრულებელ მდივნად.
2004 წელს საქართველოს შოთა რუსთაველის სახელობის ქართული ლიტერატურის ინსტიტუტში ფილოლოგიის მეცნიერებათა კანდიდატის ხარისხის მოსაპოვებლად დაიცვა დისერტაცია თემაზე: წმ. გრიგოლ ნოსელის “ქალწულებისა და საღმრთოისა მოქალაქობისა” (ფილოლოგიურ-თეოლოგიური ანალიზი).
2006 წელს დეკანოზი გიორგი ზვიადაძე დაინიშნა საქართველოს მეცნიერებათა ეროვნული აკადემიის ქრისტიანული თეოლოგიისა და რელიგიის ისტორიის კომისიის სწავლულ მდივნად.
2004 წელს დაამთავრა თბილისის ილია ჭავჭავაძის სახელობის უნივერსიტეტი ინგლისური ენის სპეციალობით, ხოლო 2006 წელს _ ამავე უნივერსიტეტის ინგლისური ენის სინქრონული თარგმანის უმაღლესი კურსები მთარგმნელ-თარჯიმნის კვალიფიკაციით.
2005 წლიდან არის თბილისის სასულიერო აკადემიასთან არსებული საღვთისმეტყველო ინსტიტუტის პრორექტორი.
2006 წლის 6 მაისს, წმინდა გიორგის ხსენების დღეს, სრულიად საქართველოს კათალიკოს-პატრიარქის ბრძანებით, დეკანოზი გიორგი ზვიადაძე დაჯილდოვდა მეორე ჯვრის ტარების უფლებით და დაინიშნა ქაშვეთის წმინდა გიორგის სახელობის ტაძრის წინამძღვრად.
2008 წლის 1 ოქტომბერს, სრულიად საქართველოს კათალიკოს-პატრიარქის ილია II-ის ბრძანებით, დეკანოზი გიორგი ზვიადაძე დადგენილ იქნა პროტოპრესვიტერად და დაინიშნა სიონის ღვთისმშობლის მიძინების საპატრიარქო ტაძრის წინამძღვრად.
2009 წელს დაასრულა საქართველოს უნივერსიტეტის პოლიტიკისა და საერთაშორისო ურთიერთობების სკოლა მაგისტრის ხარისხით.
2009 წლის 23 ოქტომბერს პროტოპრესვიტერი გიორგი ზვიადაძე დაინიშნა სასულიერო სემინარიისა და აკადემიის რექტორად.
2010 წლის 17 დეკემბერს,ბარბარობის დღესასწაულზე, ყოვლადწმინდა სამების საპატრიარქო ტაძარში სრულიად საქართველოს კათოლიკოს-პატრიარქმა, უწმინდესმა და უნეტარესმა ილია II-მ პროტოპრესვიტერი გიორგი ზვიადაძე დააჯილდოვა საქართველოს მართმადიდებელი ეკლესიის უმაღლესი ჯილდოთი- წმინდა გიორგის ორდენით. პროტოპრესვიტერი გიორგი ზვიადაძე დაჯილდოვებულია ანტიოქიის, იერუსალიმის, საბერძნეთის, ჩეხეთისა და სლოვაკიის ეკლესიათა ორდენებით.
2013 - საქართველოს საპატრიარქო - თეოლოგიის დოქტორის აკადემიური ხარისხი. (სადისერტაციო ნაშრომი: წმინდა გრიგოლ ნოსელის სწავლება ქალწულების შესახებ.

გამოქვეყნებული შრომები:
1. ყოვლადწმინდა ღვთისმშობლის ხარებისადმი მიძღვნილი საკითხავები ქართულ საეკლესიო ტრადიციაში; ლიტერატურული ძიებანი, XXI, თბ., 2000.
2. ალექსანდრე ალექსანდრიელი, სიტყვა სულის, სხეულისა და უფლის ვნების შესახებ, ბერძნულიდან თარგმნა დეკანოზმა გიორგი ზვიადაძემ; სამეცნიერო-საღვთისმეტყველო შრომები, 1, თბ., 1999.
3. წმინდა პოლიკარპე სმირნელი, ეპისტოლე ფილიპელთა მიმართ, ძველი ბერძნულიდან თარგმნა, შესავალი და კომენტარები დაურთო დეკანოზმა გიორგი ზვიადაძემ. თბ., 1998.
4. წმინდა კლიმენტი რომაელი, კორინთელთა მიმართ პირველი ეპისტოლე, ძველი
ბერძნულიდან თარგმნა, შესავალი და კომენტარები დაურთო დეკანოზმა გიორგი ზვიადაძემ. თბ., 1998.
5. წმინდა გრიგოლ ნოსელის ასკეტური შრომის ეფვთიმესეული თარგმანის მიმართება ორიგინალთან; საღვთისმეტყველო კრებული, თბ., 2004, #2.
6. ბიბლიური ციტაცია წმ. გრიგოლ ნოსელის ასკეტური შრომის ეფთვიმე ათონელისეულ თარგმანში, თბილისის სასულიერო აკადემიის სამეცნიერო შრომები, I, თბ., 2009.
7. წმიდა გრიგოლ ნოსელი, ქალწულებისათს და საღმრთოსა მოქალაქობისა. ტექსტი გამოსაცემად მოამზადა, გამოკვლევა, კომენტარები და ტერმინოლოგიური ლექსიკონი დაურთო პროტოპრესვიტერმა გიორგი ზვიადაძემ. თბილისის სასულიერო აკადემია, გამომცემლობა “მერიდიანი,” თბ, 2011.
8. წმინდა კლიმენტი რომაელი. კორინთელთა მიმართ პირველი ეპისტოლე. ძველი ბერძნულიდან თარგმნა, შესავალი და კომენტარები დაურთო პროტოპრესვიტერმა გიორგი ზვიადაძემ. მეორე გამოცემა. თბილისის სასულიერო აკადემია. 2015.